BE për Bashkitë trajnimin dyditor me 6 bashkitë fituese

Më 25 dhe 26 Korrik, BE për Bashkitë organizoi trajnimin dyditor “Menaxhimi dhe Zbatimi i Granteve” me përfaqësuesit e gjashtë bashkive fituese në thirrjen e parë të skemës së granteve të BE për Bashkitë.

Ky trajnim kishte si qëllim informimin dhe forcimin e kapaciteteve të bashkive shqiptare për menaxhimin me sukses të granteve të financuar nga Bashkimi Evropian. Pjesëmarresit ishin punonjës të bashkive që mbulojnë aspekte të ndryshme të punës në menaxhimin e këtyre granteve fituese. Përveç menaxherëve të granteve, në këtë trajnim morën pjesë edhe specialistët e financave, prokurimeve si dhe komunikimit nga ana e Bashkive fituese.

Drejtuesi i projektit, z. Elton Stafa thotë se ky cikël trajnimesh vjen si një asistencë për çdo bashki fituese në roundin e parë të skemë BE për Bashkitë, që të menaxhoje në mënyrë të suksesshme grantet e fituara, si dhe të ardhmen të jenë të gatshëm dhe me te afte të tërheqin dhe menaxhojnë fondet e donatorëve të huaj.

Temat e trajtuar në këtë trajnim lidheshin me menaxhimin e grantit si në përmbajtje dhe nga ana financiare, duke përfshirë edhe aspektet e prokurorimit sipas ligjit shqiptar dhe PRAG-ut, si dhe aspektet e komunikimit dhe vizibilitetit sipas kritereve të Bashkimit Evropian. Trajnimi beri një ndërthurje te integruar te nevojave specifike të bashkive fituese me rregullat e përgjithshme për zbatimin e projekteve të financuara nga BE, bazuar ne PRAG. Këto regulla dhe praktika janë paraqitur në mënyrë të përmbledhur në dy Manualet e përgatitur enkas për menaxhimin e granteve të projektit BE për Bashkitë. Një dokument më i përgjithshëm që adreson Menaxhimin e Granteve dhe një tjetër më specifik dedikuar Komunikimit dhe Vizibilitetit te Granteve.

“Gjashtë grantet e fituara janë në funksion të përmirësimit të shërbimeve lokale ndaj komunitetit të këtyre bashkive fituese, ndaj dhe puna e tyre për sigurimin e pronësisë të rezultateve të këtyre projekteve nga ana e komuniteteve të targetuar, është një faktor i rëndësishëm në suksesin e implementimit, që trajnimi e konsideroi në mënyrë të veçantë”, – thotë zëvendësdrejtuesja znj. Entela Pinguli.

Sipas menaxherit të granteve, z. Endrit Dajçi prokurimet e komponentit të investimeve, që është deri në 70 % të fondit të Grantit, sipas legjislacionit Shqiptar, e bëjnë disi më të lehtë punën e përzgjedhjes së kompanive të ndërtimit për bashkitë.

Ndërkohë, pjesë të rëndësishme në implementimin e projekteve luan edhe aspektet e komunikimit dhe vizibilitetit.

Menaxheri i komunikimit dhe vizibilitetit, z. Rigon Harxhi thotë se: “Paraqitja e punës  në kuadrin e granteve të fituara është po aq e rëndësishëm sa edhe puna administrative e bërë nga bashkitë, ndaj komunikimi i rezultateve të komuniteteve përkatëse si dhe në mbarë shoqërinë shqiptare është një detyrë e vazhdueshme e këtyre granteve për të përcjell mesahzhe dhe arritur komunikimin e dëshiruar tek grupi i impaktuar”.

Projekti “BE për bashkitë” do të organizojë në të ardhmen një seri trajnimesh dhe aktivitetesh për rritje kapacitetesh për të ndihmuar bashkitë fituaese në zbatimin e  me sukses të kontratave të granteve.

Dokumentet me rëndësi që janë të nevojshme për menaxhimin me sukses të këtyre granteve janë listuar më poshtë:

  1. Manuali i manaxhimit të Granteve BE për Bashkitë
  2. Manuali i Komunikimit dhe vizibilitetit te Granteve BE për Bashkitë

Dokumentat ndihmëse:

 

 

 

Lajme të ngjashme

Shpallje tenderi për blerje karburanti

Shpallje tenderi për blerje karburanti

Titulli i kontratës: Blerje karburanti për automjetin e projektit Projekti: “BE për Bashkitë” (EU for Municipalities) Ref. publikimit: EU4M – 30   Degal e NALAS në Shqipëri, në emër të Projektit “BE për Bashkitë” (EU for Municipalities), dëshiron të blejë për...

Lexo më shumë

Pin It on Pinterest