Aktivitetet Kryesore

1. Organizimi i takimit hapës me pjesëmarrjen e përfaqësuesve të Bashkisë Kavajë dhe Instituti për Menaxhimin e Mjedisit dhe Territorit/IMMT.
2. Përgatitja dhe Zhvillimi i Planit të Veprimit për Energjinë e Qëndrueshme dhe Klimën (SECAP) për Bashkinë Kavajë.
3. Instalimi i nje sistemi panelesh diellore me kapacitet total prej 26 kwp në tarracën e shkollës së Bujqësisë.
4. Organizimi i 5 aktiviteteve për rritjen e kapaciteteve rreth përdorimit të energjive të rinovueshme: 2 trainime 3 (tre) ditore me përfaqësues nga Departamenti i Energjisë dhe Klimës për stafin e Bashkisë Kavajë; Një trainim workshop 5 (pesë) ditor me pjesëmarrjen e përgjithshme të 20 studentëve nga shkolla e agro-biznesit, në lidhje me çeshtjet që kanë të bëjnë me energjinë e rinovueshme, ujitjen “e zgjuar” dhe manaxhimin e ujërave;
5. Organizimi i 2 eventeve për transferimin e njohurive: Nxënësit e shkollës, me ndihmën e një mentori, do t’ia transferojnë dijet dhe njohuritë 10 të rinjve të tjerë rurale (fermerë), për aplikimin e sistemeve të energjisë së rinovueshme në fermat e tyre; Një seminar 5-ditor do të organizohet me përfaqësues nga hotelet e përzgjedhura të interesuara bregdetare, me tematikë krijimin e sistemit të manaxhimit të energjisë. Në këtë kuadër, do të përgatitet edhe një manual në mbështetje të hoteleve bregdetare me qëllim reduktimin e konsumit të energjisë elektrike, kryesisht gjatë sezonit veror.
6. Organizimi i aktiviteteve për rritjen e ndërgjegjësimit: Dita e Energjise në Bashkinë Kavajë, e cila do të promovojë vlerat e BE-së lidhur me efiçencën energjitike, me pjesëmarrjen e 20 përfaqësuesve nga palët lokale të interesuara.
7. Komunikimi dhe vizibiliteti: Dizenjimi, printimi dhe shpërndarja e 300 materialeve promovuese për të gjitha aktivitetet e sipërpërmendura.