Publikime | EU4Municipalities

Si të përgatitësh një propozim projekti të suksesshëm me financimet e BE-së

editor — Tue, 16 Jul 2024 22:05:10 +0000

Manuali “Si të përgatitësh një propozim projekti të suksesshëm me financimet e BE-së” vjen si një mjet shumë i rëndësishëm dhe referues për njësitë e integrimit evropian dhe koordinimit të ndihmës në të 61 bashkitë e vendit, stafet e bashkive por edhe aktorë të tjerë të interesuar për të përgatitur një propozim konkurrues dhe të suksesshëm në kuadrin e mundësive financiare që ofron Bashkimi Evropian.

Manuali është përgatitur nga ekspertë të Projektit “Bashkitë për në Evropë” duke u mbështetur në përvojën e Projektit “BE për Bashkitë”. Manuali përmban informacione për grantet e BE-së, përgatitjen e koncept notës, formatin e plotë të propozimit, bazuar në qasjen e PCM/Kornizës Logjike, si dhe përgatitjen e buxhetit hap pas hapi shoqëruar me shembuj. Ai përmban këshilla të vlefshme të përvojës së fituar nga bashkitë përfituese të fondeve të BE-se, dhe reflekton mbi temat e diskutuara gjatë trajnimeve specifike për shkrimin e një projekti të suksesshëm, në kuadër të Fondeve të BE-së, të targetuara në pesë vitet e fundit, nga projekti ‘Bashkitë për në Evropë’ si dhe projekti ‘BE për Bashkitë’.

Manualin mund ta shkarkoni duke klikuar këtu.

Praktika të mira nga projekte infrastrukturore vendore të financuara nga BE

editor — Tue, 09 Jul 2024 12:02:36 +0000

Katalogu “Praktika të Mira” ka si qëllim të ofrojë shembuj të praktikave të mira në zbatimin me sukses të projekteve të financuara nga BE në vende të ndryshme të Evropës, si Kroaci, Mali i Zi, Serbia, Moldavia, Turqia, etj. Projektet e përfshira në katalog janë shembuj të përmirësimit të jetës së qytetarëve në fusha të ndryshme, si arsimi, shëndetësia, mirëqenia sociale. Në katalog jepen shembuj edhe nga praktika si përfshirja qytetare, angazhimi i të rinjve, gjithëpërfshirja, etj.

Për më shumë shkarkoni/lexoni katalogun këtu (në anglisht).

Manual për Menaxhimin Financiar të Projekteve të Financuara nga BE

editor — Tue, 09 Jul 2024 11:07:45 +0000

Manuali për Menaxhimin Financiar të Projekteve të Financuara nga BE ka si qëllim të evidentojë sfidat me të cilat janë përballur bashkitë përfituese të granteve nga projekti ‘BE për Bashkitë’ dhe të propozojë praktika të mira dhe rekomandime se si këto sfida mund të tejkalohen. Ndërkohë që gjetjet dhe rekomandimet lidhen ekskluzivisht me grantet e projektit ‘BE për Bashkitë’, ato kanë rëndësi dhe për raste të tjera të zbatimit të projekteve të financuara nga BE-ja apo donatorë të tjerë. Në këtë kuadër, ky material i ilustruar synon të ndihmojë bashkitë në menaxhimin e projekteve të BE-së në të ardhmen dhe përfshin identifikimin e sfidave të zakonshme që lidhen me menaxhimin e fondeve të BE-së, ndërgjegjësimin për masat paraprake që mund të ndërmerren për të evituar apo adresuar këto sfida, rishikimin e sistemeve dhe procedurave të brendshme të bashkive për të shmangur sfidat e tilla në të ardhmen, sigurimin e qëndrueshmërisë së rezultateve për të ardhmen, dhe përmirësimin e marrëdhënieve institucionale ndërmjet bashkive, institucioneve qendrore, Shoqatës për Autonominë Vendore dhe Delegacionit të BE-së.

Për më shumë lexoni manualin këtu.

Përvoja e “Be për Bashkitë” në menaxhimin e fondeve të BE-së në buxhetin vendor

editor — Tue, 09 Jul 2024 10:55:53 +0000

Studimi “Menaxhimi i Fondeve të Bashkimit Evropian në Buxhetin Vendor” ka si qëllim të analizojë në mënyrë të strukturuar sfidat e bashkive dhe të ofrojë rekomandime për përmirësimin e kuadrit rregullator dhe institucional për procedurat për buxhetimin, hapjen e llogarive bankare për projektet, dhe prokurimin publik me fonde të BE-së. Gjithashtu, duke u nisur nga praktikat e mira të rajonit, nëpërmjet këtij studimi, NALAS, paraqet modele dhe rekomandime për instrumentet e domosdoshëm për të ndihmuar bashkitë në absorbimin dhe menaxhimin e asistencës financiare të BE-së nëpërmjet fondeve për parafinancimin, bashkë-financimin dhe mbulimin e kostove të TVSH-së. “BE për Bashkitë” evidenton se, përveç çështjes së kapaciteteve, sfida kryesore e bashkive në zbatimin e projekteve të financuara nga donatorët lidhet me kuadrin rregullator dhe praktikat individuale të bashkive për menaxhimin e asistencës financiare nga BE-ja, pas nënshkrimit të kontratës së grantit. Kuadri rregullator i paplotë dhe mungesa e praktikave të qarta dhe unifikuara kanë çuar në vonesa të mëdha në zbatimin e projekteve.

Kliko këtu për të shkarkuar/lexuar studimin.

BE për Bashkitë – Një histori suksesi

editor — Tue, 09 Jul 2024 09:39:26 +0000

Katalog “BE për Bashkitë – Një histori suksesi”, produkt i skemës së granteve “BE për Bashkitë” i financuar nga Bashkimi Evropian, ofron një pasqyrë të projekteve të zbatuara nga 19-të bashkitë fituese, të përzgjedhura nga thirrja për propozime. Skema e Granteve “BE për Bashkitë” është një projekt i financuar nga Bashkimi Evropian, ku BE ofron mundësi për asistencë për bashkitë për të gjitha funksionet dhe përgjegjësitë vendore. Nëpërmjet dy thirrjeve për propozime të hapura për të gjitha bashkitë shqiptare, nga kjo skemë trajtohen me anë të granteve të investimeve fushat e infrastrukturës dhe shërbimeve publike vendore, zhvillimi ekonomik vendor, risitë, krijimi i vendeve të reja të punës, mbrojtja e mjedisit dhe fuqizimi i të rinjve.

Për më shumë informacione për këto projekte shfletoni katalogun këtu.

Buletini i katërt informativ

editor — Tue, 09 Apr 2024 09:45:41 +0000

Plot 19 bashki në Shqipëri janë mbështetur me grante deri në 200,000 EURO për ndërhyrje me qëllim përmirësimin e infrastrukturës dhe shërbimeve vendore, për zhvillimin e të rinjve dhe të komunitetit, për edukimin, kujdesin social, kulturën dhe sportet në nivel vendor.

Lexoni pikat kryesore nga veprimtaria e Projektit “BE për Bashkitë” i financuar nga Bashkimi Evropian, në buletinin e ri informativ.

Kliko këtu për ta shkarkuar/lexuar: Buletini Informativ nr. 4 – prill 2024.

Buletini i tretë informativ – Qershor 2023

editor — Sat, 24 Jun 2023 09:31:24 +0000

“Shqipëria duhet të bëjë hapa përpara edhe në përpjekjet e saj për të ngritur në nivel vendor ekspertizën dhe kapacitetet që lidhen me BE-në. Duhet t’i përgatisim autoritetet vendore dhe organizatat e shoqërisë civile që të jenë të afta të menaxhojnë më shumë burime financiare, të cilat do të vijnë pas anëtarësimit në BE, me synim përmirësimin e jetës së përditshme të qytetarëve,” shprehet Christiane Hohmann, Ambasadore e Delegacionit të Bashkimit Evropian në Shqipëri.

Lexoni pikat kryesore nga veprimtaria e Projektit “BE për Bashkitë” i financuar nga Bashkimi Evropian, në buletinin e ri informativ.

Buletini Informativ nr. 3 – qershor 2023.