Bashkia Përmet ka vendosur si një ndër prioritetet e saj mbështetjen ndaj të rinjëve, si burim i pashterrshëm energjie. Projekti “Përmirësimi i aksesit në shërbime publike për fuqizimin e të rinjve në Përmet”, ka qëllim kontributin në mbështetje të mirëqenies së të rinjve me anë të përmirësimit të infrastrukturës publike dhe duke rritur cilësinë dhe akseksin në shërbime.

Me rikonstruksionin e Qendrës Rinore “Ollga Shuraja”, 326 të rinj në Bashkinë e Përmetit janë përfitues të shërbimeve të saj. Rikonstruksioni i Qendrës Rinore u realizua nga Bashkia e Përmetit me mbështetjen financiare të Bashkimit Evropian përmes skemës së granteve “BE për Bashkitë”. Buxheti i përgjithshëm kushtuar realizimit të projektit është 180.000.00 euro, nga të cilat 162.000.00 euro është kontributi i Bashkimit Evropian. Falë rikonstruksionit të godinës u krijuan hapësira të reja publike të dedikuara për të rinjtë, si dhe shërbime më të mira për të mbështetur kreativitetin, talentin dhe fuqizimin ekonomik të të rinjve në këtë Bashki.

Për kryetaren e Bashkisë Përmet Alma Hoxha, falë mbështetjes së projektit “BE për Bashkitë” u arrit jo vetëm të përmirësohet infrastruktura për të rinjtë, por edhe aksesi në shërbime të reja.

“I rëndësishëm nuk është vetëm rikonstruksioni i godinës por rijetëzimi i saj. Tashmë kjo qendër është funksionale dhe drejtohet nga vetë të rinjtë e Përmetit, gjithmonë dhe më tepër në numër, gjithmonë dhe më tepër me ide inovatore”, theksoi Kryetarja e Bashkisë së Përmetit Alma Hoxha.

Sot Qendra Rinore “Ollga Shuraja” orfron 7 shërbime publike në funksion të rinisë.

Megi Ibrahimi, kryetare e Këshillit Rinor në Përmet shprehet së përjeton kënaqësi të madhe kur shikon që tashmë Qendra Rinore ka çelur dyert e saj për të gjithë të rinjtë e Përmetit.

“Vendi ku mpleksen ide e këndvështrime, ku mund të shpaloset çdo aftësi, ku koha e lirë e pasditeve mbushet me aktivitetet më të këndshme. Jam shumë e lumtur dhe mirënjohëse që m’u dha mundësia të isha pjesë e këtij procesi”, thotë Megi Ibrahimi.

Projekti konsistoi jo vetëm në rikonstruksionin e Qendrës Rinore “Ollga Shuraja”, por edhe në trajnimin dhe mbështetjen e stafit të qendrës rinore, organizimin e aktiviteteve informuese, argëtuese, ndërgjegjësuese dhe edukuese për të rinjtë. Po ashtu, u mundësua funksionimi i Zyrës së Këshillimit të Karrierës.

Denisa Mamillo, Projekt Menaxhere në Bashkinë Përmet, thekson se ndërtimi i një qëndre rinore dhe përmirësimi i cilësisë së shërbimeve për të rinjtë ka qënë një kërkesë e vazhdueshme e të rinjve përmetarë.

“Me projektin e përfituar në thirrjen e parë të “BE për Bashkitë” kjo kërkesë u plotësua. Falenderojmë stafin e “BE për Bashkitë” për mbështetjen gjatë implementimit të projektit, pasi një projekt i zbatuar mirë është një projekt i suskseshëm dhe ndihmë për hartimin dhe implementimin e projekteve të tjera të BE-së”, thekson Denisa Mamillo.

Falë projektit u ngritën 5 startup-e rinore të mbështetura nga ekspërtë nëpërmjet këshillimit ligjor, menaxherial dhe financiar. Ndërkohë që 5 pjesëtarë të stafit të Bashkisë u aftësuan për çështjet rinore. Gjithshtu, u zhvilluan aktivitete mbi çështje të lidhura ngushtësisht me Bashkimin Evropian, me pjesëmarrjen aktive të të rinjve.

Investimi tek rinia është një nga strategjitë më të rëndësishme për zhvillimin afatgjatë të një vendi. Rinia përfaqëson energjinë, kreativitetin dhe potencialin për ndryshim dhe përparim. Për të maksimizuar këtë potencial, është thelbësore të investohet në arsim, shëndetësi, mundësi punësimi dhe përfshirje sociale për të rinjtë.

Politikat e gjelbra përfshijnë strategji të avancuara për menaxhimin e mbetjeve. Vendosja e sistemeve të ndarjes së mbetjeve në burim është thelbësore.

Me qëllim rritjen e ndërgjegjësimit dhe përgjegjësisë mjedisore, Bashkia e Kamzës zbatoi projektin “Mjedis i pastër, arsim i shëndetshëm dhe cilësor në shkolla”, në kuadër të skemës së granteve “BE për Bashkitë”. Përfitues të drejtëpërdrejtë të projektit u bënë dy institucione arsimore, Shkolla e Mesme “Isa Boletini” në Paskuqan dhe Shkolla 9-Vjeçare “Dom Nikollë Kaçorri” në Laknas. Ndësa rreth 20 mijë nxënës dhe anëtarë të komunitetit u informuan në lidhje me praktikat e menaxhimit të mbetjeve, veçanërisht për ndarjen dhe riciklimin e tyre. Me vendosjen e koshave për ndarjen e mbetjeve në 25 shkolla të kësaj bashkie, projekti ka ndërmarrë hapa të prekshëm drejt promovimit të zakoneve të përgjegjshme të depozitimit të mbetjeve. Për realizimin e projektit Bashkia Kamëz pati në dispozicion një buxhet të përgjithshëm prej 53.392 eurosh, prej të cilave 47.260 euro është kontribut i Bashkimit Evropian.

“Mbështetur nga projekti “BE për Bashkitë”, Bashkia Kamëz ka realizuar me sukses objektivat e veta duke siguruar infrastrukturën për ndarjen e mbetjeve në burim dhe duke rritur hapësirat e gjelbra në 25 shkolla, ndërsa ka ndërgjegjësuar dhe informuar 22,000 nxënës dhe komunitetin e Bashkisë Kamëz për rëndësinë e një mjedisi të pastër dhe të gjelbër. Prandaj, mbrojtja e mjedisit nuk është një opsion, por një detyrim që ne i kemi vetes dhe gjeneratave të ardhshme”, shprehet Valentina Kola, menaxhere e projektit për Bashkinë Kamëz.

Në kuadër të këtij projekti u krijuan 25 grupe ekologjike me pjesëmarrjen aktive të 625 nxënësve, u organizuar 25 aksione pastrimi dhe 25 aksione gjelbërimi të shkollave dhe mjedisit përreth tyre.

Politikat e gjelbra janë thelbësore për të siguruar një të ardhme të qëndrueshme dhe të shëndetshme për brezat e ardhshëm.

Duke përfshirë burime të rinovueshme, menaxhimin e mbetjeve, mbrojtjen e biodiversitetit dhe transportin e qëndrueshëm, këto politika mund të ndihmojnë në ndërtimin e një bote më të pastër dhe më të qëndrueshme.

Megjithëse ka sfida në zbatimin e tyre, përfitimet afatgjata që ato sjellin janë të paçmueshme.

Bashkia e Shkodrës e realizoi rikonstruksionin dhe mobilimin e ambienteve të Qendrës Multifunksinale “Xixëllonjat”, me mbështetjen financiare të Bashkimit Evropian përmes skemës së granteve “BE për Bashkitë”.

“Ne duam t’ju ofrojmë një jetë dhe shërbime me të mira dhe mendojmë se “BE për Bashkitë” është një shembull i përkushtimit tonë për ta realizuar këtë” u shpreh gjatë inaugurimit Shefi i Bashkëpunimit në Delegacionin e Bashkimit Evropian në Tiranë, z. Hubert Perr.

Buxheti i përgjithshëm për rikonstruksionin e godinës dhe mobilimin është 195,920.00 euro, nga të cilat kontributi i Bashkimit Evropian është 176,225.00 euro ose 89.95% e vlerës.

Që prej përurimit, Qendra Multifunksionale “Xixëllonjat” ka nxitur përfshirjen sociale dhe zhvillimin e komunitetit nëpërmjet shërbimeve dhe aktiviteteve social-kulturore të larmishme.

“Veçantia e Qendrës Multifunksionale “Xixëllonjat” qëndron në nevojën dhe dëshirën e madhe të komunitetit për rehabilitimin e një objekti të braktisur në zemër të lagjes së tyre periferike. Falenderimet që kemi marrë, fëmijët e lumtur apo sytë e surprizuar për rezultatin janë kujtimi më i bukur që do marr me vete nga ky projekt”, shprehet Mirza Berdica, Menaxhere e projektit për Bashkinë Shkodër.

Lorena Bardeli, specialiste e Drejtorisë së Shërbimeve Sociale në Bashkinë e Shkodrës tregon:

“Të dëgjonim:”Tashmë në lagje parkojnë makina dhe ka njerëz që hyjnë e dalin duke marrë shërbime aty ku jetojnë, për herë të parë pas shumë vitesh”- nga një banorët e lagjes, është ndryshimi që kemi dashur të arrijmë me ngritjen dhe vënien në funksion të Qendrës Multifunksionale “Xixëllonjat”. Qendra Multifunksionale “Xixëllonjat” e ngritur në godinën e ish shkollës Veterinare, në një nga lagjet periferike dhe problematike të Shkodrës, me mbështetjen e “BE për Bashkitë” është punë e shumë viteve e një skuadre të palodhur.”.

Si një dritë orientimi për të gjitha grupmoshat, si të rritur dhe fëmijë ku nëpërmjet bibliotekës, amfiteatrit, ambienteve për të moshuar, çerdhes apo sallës së lojrave secili mund të gjejë një hapësirë të përshtatshme për të rritur kapacitetet e veta personale apo të kalojë kohën e lirë.

““Loja është e para” është aktiviteti që na mbledh çdo javë. Jemi shumë të lumtur për këtë sepse është një mundësi shumë e mirë për t`u njohur dhe zhvilluar së bashku me shokët përmes lojës”, shprehet Aid Gjonaj, nxënës i shkollës “Xheladin Fishta”.

Qendra Multifunksionale e rinovuar është bërë një pikë e rëndësishme takimi për banorët e Shkodrës, duke nxitur ndërveprimin social dhe duke forcuar ndjenjën e komunitetit. Përveç ofrimit të shërbimeve të drejtpërdrejta, qendra është një hapësirë ku individët mund të ndajnë përvojat e tyre, të mësojnë nga njëri-tjetri dhe të ndihmojnë në zhvillimin e një komuniteti më të bashkuar dhe të qëndrueshëm.

Në Berat, qytet e fshatra, nga ku vështron mali i Tomorrit, vërshon Osumi dhe ku dritaret qëndrojë një mbi një, u rijetëzuan tre godina në shërbim të dijes.

Me mbështetjen financiare të Bashkimit Evropian përmes skemës së granteve “BE për Bashkitë’, Bashkia e Beratit rikonstruktoi kopshtin “Shaban Sollaku” në fshatin Moravë, shkollën 9-vjeçare “Veri Gjata” në fshatin Dushnik dhe Qendrën e Shërbimeve Arsimore në qytet. Janë mbi 5220 nxënës e fëmijë, rreth 1400 prindër dhe 400 mësues që kanë përfituar nga hapësirat e rikonstruktuara dhe shërbimeve e ofruara në to.

“Përmes ndërhyrjeve të planifikuara me kujdes në infrastrukturë u mundësuan mjedise të rinovuara dhe bashkëkohore arsimore në Kopshtin Moravë dhe Shkollën Dushnik, si dhe u krijuan mjedise të cilat harmonizojnë më së miri hartimin e politikave dhe zbatimin e tyre. Ndërhyrjet në Qendrën e Shërbimeve Arsimore afruan përdoruesit me përfituesit fundor, si vendimmarrësit, mësuesit, komunitetin, prindërit dhe nxënësit”, shprehet Qytyku, Drejtori i Drejtorisë së Integrimit Europian dhe Projekteve në Bashki. Me një buxhet total prej 200,000,00 eurosh, nga të cilat kontributi i Bashkimit Evropian llogaritet në masën 90%, saktësisht 180,000,00 euro, u realizua nfrastrukurë më e mirë, shërbime më të mira dhe rrjedhimisht jetesë më e mirë.

Klodi Vokopola Hoxha, Drejtoreshë e Qendrës së Shërbimeve Arsimore në Berat shprehet se godina e re e Qendrës së Shërbimeve Arsimore ka impakt të jashtëzakonshëm në përmirësimin e cilësisë së shërbimit, shtimin e gamës së shërbimeve dhe në shtimin e numrit të përfituesve.

“Vënia në funksion e zyrave të rikonstruktuara në kuadër të “BE për Bashkitë”, përgjatë këtij viti shkollor ka përmirësuar veprimtarinë e Drejtorisë Arsimore. Ka lehtësuar aksesin e të gjithë të interesuarve për të marrë shërbimin tonë. Ka krijuar komoditet për punonjësit e administratës në mënyrë që ata e kanë më të thjeshtë që të punojnë në grup, të ndajnë informacionet e nevojshme ndërmjet sektorëve, të realizojnë seanca takimesh trajnuese në kushte komode dhe relaksuese.

Risia dhe përfitimi më i madh në fushën e shërbimeve të Drejtorisë Arsimore është kujdesi ndaj fëmijëve me aftësi ndryshe dhe prindërve të tyre. Të gjitha këto janë tregues të rëndësishëm për impaktin e jashtëzakonshëm që ka godina e re e Qendrës së Shërbimeve Arsimore në përmirësimin e cilësisë së shërbimit, shtimin e gamës së shërbimeve që ofrojmë dhe në shtimin e numrit të përfituesve të shërbimit tonë”, tregon Drejtoresha e Qendrës së Shërbimeve Arsimore.

Me zbatimin e tij, projekti “Shërbime Multifunksionale në Fushën e Edukimit”, bashkë me ndërhyrjet në infrastrukturë solli edhe ngritjen e shërbimeve të reja arsimore. Po ashtu pranë Qendrës së Shërbimeve Arsimore u realizuan katër aktiviteteve në kushte tanimë të përshtatshme, në kuadër të projektit. U siguruan libra dhe mjete didaktike për 40 kopshte të gjithë Bashkisë së Berat, ndësa 45 punonjës të saj u trajnuan.

Përmes realizimit të sukseshëm projektit u përmbush qëllimi kryesor i tij për forcimin e komunitetit të Bashkisë së Beratit përmes përmirësimit të shërbimeve dhe rritjes së cilësisë në fushën e arsimit.

Bashkia Fushë-Arrëz, me ndihmën financiare të Bashkimit Evropian, ka zbatuar projektin “Njësia për Vlerësimin e Nevojave dhe Referimin e Çështjeve (NECRU) – shërbim për komunitetin”. Ky projekt kishte për qëllim krijimin e një ambienti të përshtatshëm ku mund të ofrohen shërbime sociale për të gjithë qytetarët, veçanërisht për grupet e margjinalizuara.

Një nga arritjet më të rëndësishme të këtij projekti ka qenë rikonstruktimi i një godine për ngritjen e Qendrës Multifunksionale. Kjo qendër është konceptuar si një hapësirë e cila do të shërbejë për ofrimin e një sërë shërbimesh sociale dhe aktivitete për komunitetin lokal.

Për realizimin e projektit NECRU, Bashkia Fushë-Arrëz kishte në dispozicion një buxhet të përgjithshëm prej 55,270 euro, nga të cilat 49,250 euro, kontribut i Bashkimit Evropian. Ky financim ka mundësuar rikonstruksionin e godinës dhe krijimin e kushteve të nevojshme për funksionimin e Qendrës Multifunksionale.

Projekti NECRU përbën një hap të madh përpara në përmirësimin e kushteve socio-ekonomike dhe ofrimin e shërbimeve sociale në Bashkinë Fushë-Arrëz.

Ky projekt jo vetëm që adreson nevojat e grupimeve të margjinalizuara, por gjithashtu kontribuon në përmirësimin e cilësisë së jetës për të gjithë banorët e kësaj zone malore.

“Ngritja e Qendrës Multifunksonale i ka dhënë jetë ngritjes së gjashtë shërbimeve sociale të munguara në Bashkinë Fushë-Arrëz, për të gjithë shtresat sociale në nevojë. Bashkia Fushë-Arrëz ka prioritet absolut shtresat sociale të margjinalizuara nëpërmjet programeve që nxisin gjithëpërfshirjen e tyre në shoqëri dhe ofrimin e shërbimeve nëpërmjet aktiviteteve sociale – kultorore. Falenderojmë Bashkimin Evropian për mbështetjen dhe Ekipin e ‘BE për Bashkitë’”, shprehet Kryetar i Bashkisë së Fushë-Arrëzit Hil Curri.

Projekti “Njësia për Vlerësimin e Nevojave dhe Referimin e Çështjeve (NECRU)” ia arriti qëllimit të tij kryesor për ofrimin e shërbimeve të përmirësuara bashkiake për të gjitha shtresat sociale në nevojë, përfshirë fëmijët, të rinjtë, gratë dhe vajzat, personat me aftësi të kufizuara dhe moshën e tretë. Projekti ka arritur të ofrojë shërbime për rreth 60 persona nga grupet e margjinalizuara, duke përfshirë: 30 persona me aftësi të kufizuara, 10 persona me të ardhura të ulëta ekonomike dhe 20 persona me nevoja të veçanta. Një komponent kyç i projektit ishte trajnimi dhe aftësimi i pesë personave nga Sektori i Kujdesit Social dhe nga një person prej secilës Njësi Administrative. Një punonjës social u punësua gjithashtu në Bashkinë Fushë-Arrëz për të ofruar mbështetje të drejtpërdrejtë për këto grupe. U organizuan gjithashtu aktivitete të komunikimit dhe vizibilitetit për të rritur ndërgjegjësimin dhe njohjen e shërbimeve të reja të ofruara. Gjatë Forumit të Qeverisjes Vendore të mbajtur më 13 Tetor 2023 në Tiranë, kreu i Bashkisë Fushë-Arrëz, Curri, tregoi mbi nevojën për zbatimin e më shumë projekteve të tilla të mbështetura nga Bashkimi Evropian. Ai theksoi rëndësinë e rritjes dhe fuqizimit të kapaciteteve për të shkruar dhe zbatuar projekte, duke theksuar se të gjitha bashkive të Shqipërisë u nevojitet kjo asistencë për të përmirësuar shërbimet për qytetarët e tyre.

Ndërsa nevoja për projekte të ngjashme vazhdon, mbështetja nga Bashkimi Evropian dhe fuqizimi i kapaciteteve vendore do të jenë thelbësore për të ardhmen e zhvillimit social në Shqipëri.

Bashkia e Rrogozhinës vijon të jetë edhe në ditët e sotme një nyje lidhëse e rëndësishme për qytetet e Shqipërisë.

Për përmirësimin e jetës së të rinjve dhe komunitetit, bashkia zbatoi së fundmi projektin “Fuqizimi i Udhëheqësve të ardhshëm”, duke rikonstruktuar dhe mobiluar Qendrën Rinore. Qëllimi kryesor i projektit është përfshirja aktive e të rinjve në jetën politike vendore dhe procesin e vendimmarrjes në nivel lokal.

“Hapja e një Qendre Rinore është një hap i rëndësishëm për zhvillimin e komunitetit dhe angazhimin social të të rinjve. Kjo qëndër ofron një mjedis të sigurt dhe mbështetës ku të rinjtë mund të zhvillojnë aftësitë e tyre, të marrin pjesë në aktivitete kulturore, sportive dhe arsimore, si dhe të krijojnë lidhje të reja shoqërore. Ky projekt është një burim i vlefshëm për të gjithë komunitetin, duke nxitur një atmosferë pozitive dhe duke kontribuar në rritjen e mirëqenies së të rinjve”, thotë Aleks Xhavara anëtar i Këshillit Vendor Rinor.

Ambjentet e Qendrës Rinore sot i shërben veprimtarisë së 180 të rinjve, duke ofruar një hapësirë të sigurt dhe të pajisur mirë për aktivitete edukative dhe sociale.

“Qendra Rinore Multifunksionale ishte shumë e domosdoshme për bashkinë tonë. Falenderojmë “BE për Bashkitë” që bëri të mundur jetësimin e këtij projekti nga i cili përfituan të gjithë të rinjtë e Rrogozhinës dhe jo vetëm.”, shprehet Olsi Dranga, Drejtor i Shërbimeve Mbështetëse në Bashkinë Rrogozhinë.

Endri Demarku, Kryetar i Këshillit Vendor Rinor tregon se Qendra Rinore është një ambient i domosdoshëm në komunitetin ku jeton. “Kjo qendër shërben si një urë lidhëse mes të rinjve dhe të gjithë komunitetit. Këtu të gjitha grupmoshat e reja mund të zhvillojnë aftësitë e tyre dhe t’i përmirësojnë ato”.

Përgjatë zbatimit të projektit, 30 nxënës u trajnuan në aftësi të komunikimit, lidershipit dhe të menduarit kritik. Këto aftësi janë thelbësore për zhvillimin personal dhe profesional të tyre, duke i përgatitur për sfidat e së ardhmes. Qendra i shërben gjithashtu të rinjve me aftësi ndryshe, duke i integruar ata si pjesë integrale e komunitetit. Kjo përfshirje ndihmon në promovimin e barazisë dhe diversitetit.

Projekti për rikonstruksionin dhe mobilimin e Qendrës Rinore në Bashkinë e Rrogozhinës është një hap i rëndësishëm drejt përmirësimit të jetës së të rinjve në këtë zonë. Me aktivitete të shumta edukative dhe sociale, dhe një fokus të veçantë në zhvillimin e aftësive të lidershipit, ky projekt ofron një platformë të fortë për përfshirjen aktive të të rinjve në jetën komunitare dhe vendimmarrëse.

Në shërbim të kësaj, Bashkia e Mirditës u shpall si një ndër 19 fitueset e Skemës së Granteve “BE për Bashkitë”, me projektin “BE për Fëmijët në Rrëshen”. Me një buxhet të përgjithshëm prej 46,856,99 euro, prej të cilave Bashkimi Evropian kontribuoi me 40,120,75 euro u ndërtuar një Kënd Lojrash për fëmijë mes një parku të gjerbëruar në qytetin e Rrëshenit. Sot më shumë se 1300 fëmijë të Rrëshenit i gëzohen këndit të ri të lojrave në rrugën “Gjergj Fishta”. Këndi i ndërtuar në një park të gjelbëruar është menduar si vend argëtues për fëmijët, po ashtu edhe si një vend shlodhës edhe për të rriturit në qytet. Projekti ia arriti qëllimit të vendosur që në krye të herës, ofrimin e shërbimeve publike të përmirësuara për komunitetin nëpërmjet ndërhyrjeve të vogla në qytetin e Rrëshenit.

Kryetari i Bashkisë së Mirditës Albert Mëlyshi, nuk e fsheh gëzimin për zbatimin dhe realizimin e Projektit “BE për Fëmijët në Rrëshen”. Por siç thotë ai shpresa është e madhe për të vijuar bashkëpunimin me BE-në.

“Si kryetar i zgjedhur rishtaz në Maj 2023, ishte një kënaqësi të zbatoja dhe inauguroja një Kënd Lojrash për më të vegjlit e qytetit të Rrëshenit. Skema e Granteve “BE për Bashkitë” ishte një përballje e parë dhe pozitive me projektet e Bashkimit Evropian dhe shpresoj të kemi mundësi të aksesojmë si Bashki sa më shumë nga fondet e Unionit për të zhvilluar sa më shumë Mirditën”, shprehet kryetari i Bashkisë së Mirditës.

Përgjatë zbatimit të projektit u zhvilluan 4 aktivitete publike me pjesëmarrjen e më shumë se 1314 fëmijëve dhe 753 të moshuarve, organizuar në mjedisin e gjelbërt për të promovuar dialogun ndërbrezor, fuqizimin e të rinjëve dhe rolin e të moshuarve, si dhe promovimin e kulturës së mjedisit të hapur. Një aktivitet i veçantë iu dedikua vlerave të BE-së rreth jetesës së shëndetshme.

Gjovalin Marfana, Menaxher Projekti pranë Bashkisë Mirditë, është një ndër nëpunësit që ka marrë pjesë në shumë trajnime të mbajtura në kuadër të “BE për Bashkitë”. Si person përgjegjës për koordinimin në Njësinë për Integrimin Evropian dhe Ndihmën e Huaj në Bashki, ai shfaq vlerësim për skemën e Granteve “BE për Bashkitë”.

“Kjo skemë më dha mundësi që jo vetëm të trajnohem për shkrimin efektiv të një projekti për të cilin u angazhova në mënyrë direkte për shkrimin, por edhe në zbatimin e tij. Kjo eksperiencë më ndihmoi shumë gjatë periudhës Mars – Maj 2023, kur Bashkia Mirditë aplikoi në thirrje të hapura me 4 projekt-ide, që më vonë u kthyen në dy kontrata granti për Bashkinë Mirditë”, pohon Marfana.

Zbatimi me sukses i projektit “BE për Fëmijët në Rrëshen” i ka dhënë Bashkisë Mirditë një përvojë të pasur të çmuar, duke përfshirë ndër të tjera aspekte të tilla, si: menaxhimi i projektit, angazhimi i komunitetit, administrimi financiar dhe shpërndarja e burimeve. Kjo përvojë padyshim do të kontribuojë në kapacitetin e Bashkisë për të ndërmarrë dhe menaxhuar projekte të ngjashme në të ardhmen, duke nxitur rritjen dhe zhvillimin e vazhdueshëm brenda komunitetit.

Politikat zhvilluese vijojnë të mbeten prioritet edhe në ditët e sotme. Arsimi është një ndër fushat ku bashkia ka investuar. Shkolla “Koço Korçari” e kishte të domodsoshme një ndërhyrje kapilare, në mënyrë që nxënësit të zhvillonin orët e mësimit në kushte optimale.

Duke përfituar nga ndihma financiare e Bashkimit Evropian përmës skemës së granteve të projektit “BE për Bashkitë”, bashkia kreu rikonstruksionin e plotë të infrastrukturës së shkollës “Koço Korçari”.

Projekti “Rikonstruksioni i Shkollës ‘Koço Korçari’”, pati në dispozicion një buxhet të përgjithshëm prej 49.725 euro, nga të cilat 34.825 euro kontribut i Bashkimit Evropian.

Aktualisht janë 107 nxënës që kryejnë mësimin në ambientet e reja dhe moderne të shkollës “Koço Korçari”.

Mësuese Valbona Shkëmbi thotë se pas rikonstrusionit falë projektit ‘BE për Bashkitë’ shkolla është në parametrat bashkohorë, ku fëmijët të ndihen më të lumtur dhe më të gëzuar.

“Rikonstuksoni i shkollës “Koço Korçari” ishte një kërkesë e hershme jona si staf akademik, por edhe e prindërëve. Falë projektit “BE për Bashkitë” tashmë shkolla jonë ka kushte shumë më të mira sesa më parë. Dua të nënvizoj edhe një aspekt tjetër.

Ky projekt ishte shumë i rëndësishëm për ne, sepse jo vetëm u përmirësuan kushtet e kësaj shkolle, por edhe organizuam shumë aktivitete të bukura dhe gjithëpërfshirëse”, thotë Valbona Shkëmbi, mësuese e shkollës.

Gjatë realizimit të projektit u organizuan 5 aktivitete edukative, që bënë bashkë 300 fëmijë dhe 150 të rinj, pjesë e kësaj Bashkie, si “Trashëgimia kulturore e Bashkimit Evropian”, “Java festive e qytetit”, “Aktiviteti i Ditës së Rinisë”.

Gjithashtu u hap një ekspozitë e arteve vizuale mbi vlerat e BE-së me punime të realizuara nga 40 fëmijë, përfshirë këtu edhe 10 fëmijë me aftësi ndryshe. 

Një risi për qytetin ishte zhvillimi i një anketimi nga 10 të rinj, lidhur me performancën e Bashkisë Kuçovë në raport me procesin e integrimit evropian të Shqipërisë.

]]> https://eu4municipalities.al/shkolla-e-rinovuar-koco-korcari-nje-histori-suksesi/feed/ 0 https://eu4municipalities.al/e-ardhmja-e-ndritur-e-tropojes-nis-me-te-rinjte/ https://eu4municipalities.al/e-ardhmja-e-ndritur-e-tropojes-nis-me-te-rinjte/#respond Sun, 28 Jul 2024 21:36:20 +0000 https://eu4municipalities.al/?p=6841 Bashkia Tropojë ka ndërmarrë hapa të rëndësishëm për përmirësimin e jetës së të rinjve përmes rindërtimit të Qendrës Rinore. Ky projekt ka krijuar një hapësirë të re dhe funksionale për të rinjtë e zonës, duke përfshirë krijimin e Këshillit Rinor dhe përgatitjen e Planit të Punës për rininë, që do të jetë operativ për pesë vitet e ardhshme.

Buxheti i përgjithshëm për realizimin e projektit “Të rinjtë aktivë në Bashkinë e Tropojës” ishte 53.848 euro, nga të cilat 48.463.2 euro është kontributi I Bashkimit Evropian.

Rinisa Osmanaj është Koordinarore e Rinisë, pranë Qendrës Rinore. Ajo shprehet se qendra përfaqëson një hap të rëndësishëm për komunitetin është një vend kreativ dhe i pasur me aktivitete për të rinjtë. “Synimi ynë është të krijojmë një ambient mbështetës ku të rinjtë mund të zhvillohen dhe të ndërtojnë të ardhmen e tyre”- thotë Osmanaj.

Nga rindërtimi i Qendrës Rinore kanë përfituar 120 të rinj. Aktivitetet e Kampit Rinor, të organizuara për një periudhë tre-ditore, kanë tërhequr 70 të rinj, të cilët morën pjesë në modulet e posaçme të trajnimit mbi procesin e vendimmarrjes. Këto aktivitete kanë për qëllim të fuqizojnë dhe të rrisin aftësitë e të rinjve në përfshirjen e tyre në vendimmarrje dhe në jetën publike të komunitetit.

“Qendra Rinore në Tropojë është tashmë një pikë takimi e veçantë për të rinjtë, ku ata mund të shfaqin potencialin e tyre. Është vendi ku rinia mblidhet dhe punon për të ndërtuar një të ardhme më të mirë”, shprehet Erla Seci, anëtare e Këshillit Vendor Rinor.

“Qendra Rinore në Tropojë është shumëfunksionale. Ne të rinjve na vjen në ndihmë për organizimin e aktiviteteve dhe për të bërë realitet idetë tona”, thotë Klodian Gjyriqi, një tjetër anëtar i Këshillit Vendor Rinor.

Një aspekt kyç i projektit ishte trajnimi dhe aftësimi i pesë punonjësve bashkiakë mbi menaxhimin e programit rinor dhe bashkëpunimin me Këshillin Rinor. Ky trajnim ka qenë thelbësor për garantimin e një menaxhimi efikas të aktiviteteve rinore dhe për rritjen e kapaciteteve të Qendrës Rinore.

“Qendra Rinore ishte një dëshirë dhe kërkesë e rinisë që pritej prej kohësh dhe më në fund u realizua. Tashmë të rinjtë e mrekullueshëm tropojanë kanë një ambient të përshtatshëm dhe komod që të realizojnë idetë, planet dhe organizimet e tyre”, tregon Fjorda Breçani Kryetare e Këshillit Vendor Rinor. 

Rindërtimi i Qendrës Rinore në Bashkinë Tropojë përfaqëson një hap të rëndësishëm drejt përmirësimit të shërbimeve dhe aktiviteteve për të rinjtë.

Ky projekt ka krijuar mundësi të reja për zhvillimin personal dhe profesional të të rinjve të zonës, duke i angazhuar ata më shumë në jetën publike dhe vendimmarrje. Me mbështetjen e Këshillit Rinor dhe planin e punës për pesë vitet e ardhshme, Bashkia Tropojë synon të sigurojë një të ardhme më të ndritur dhe aktive për rininë e saj.

Një “Tarracë e Gjelbër” si koncept kombinon elementet e një tarrace tradicionale të një godine, me përfshirjen e gjelbërimit, duke krijuar një zonë të jashtme tërheqëse, ekologjike dhe miqësore.

Transformimi i gjelbër i ndërtesave që menaxhohen nga Bashkia e Tiranës synon ndërgjegjësimin e brezave të rinj mbi mjedisin. Bazuar në këto politika edukative, në shkollën “Kosova” në Tiranë u instalua Tarraca e Gjelbër dhe u krijua Serra Edukative.

Për realizimin e projektit “Kopshtarët e vegjël”, u akordua një buxhet i përgjishëm prej 49.742.92 euro, nga të cilat 41.452.43 euro është kontribut i Bashkimit Evropian.

Tarraca e gjelbër është vënë në shërbim të nxënësve të shkollës, por edhe të anëtarëve të komunitetit. Serra edukative do të vihet në funksion të aktiviteteve shkollore, do të jetë në shërbim të mësuesve dhe në funksion të projekteve hulumtuese të shkollës.

Falë zbatimit të projektit “Kopshtarët e Vegjël” 649 fëmijë të shkollës dhe komunitetit janë sot më të informuar mbi mbrojtjen e mjedisit dhe jetesën e shëndetshme në harmoni me natyrën. Fëmijët morën pjesë në aktivitete ndërgjegjësuese dhe praktike për mbjelljen e bimëve dhe mirëmbajtjen e serrës.

Drejtoresha e shkollës 9-vjeçare “Kosova” Shkëndie Arapi është e bindur se projekti “Kopshtarët e vegjël”, është diçka e re, e bukur për nxënësit dhe mësuesit.

“Mbjellja e bimëve në serrë, kujdesi për rritjen e tyre, vëzhgimi i procesit që ndodh me to nga fillimi deri në fund, do të bëjë që nxënësit të ndihen si në një laborator. Tarraca do të jetë edhe në funksion të aktiviteteve të ndryshme të shkollës; do të jetë në shërbim të mësuesve kur ata kanë orë të lira, do të jetë në funksion të projekteve hulumtuese të nxënësve në funksion të përvetësimit të kurrikulës mësimore. Falenderojmë të gjithë bashkëpunuesit në këtë projekt kaq të bukur e të veçantë”, shprehet drejtroresha Shkëndie Arapi.

Zbatimi i këtij projekti synon edukimin e fëmijëve me njohuri të larmishme për bimët e natyrën dhe ndërgjegjësimin e tyre për mbrojtjen e mjedisit. Po ashtu, pati si qëllim përmirësimin e cilësisë së jetesës përmes shtimit të hapësirave të gjelbërta.

Mbrojtja e mjedisit përbën prioritet në politikat e Bashkimit Evropian dhe për rrjedhojë investimet do të vijojnë në mbështetje të projekteve zhvillimore të pushtetit lokal në Shqipëri.

“Bashkimi Evropian do të vijojë të mbështesë bashkitë shqiptare me 10 milion euro, përmes një faze të dytë të projektit ‘BE për Bashkitë’”, u shpreh Marie Augouy, Menaxhere Programi për Qeverisjen Rajonale dhe Lokale e Delegacionit të Bashkimit Evropian në Shqipëri gjatë ceremonisë përuruese të projektit “Kopshtarët e Vegjël” në shkollën “Kosova”, Instalimi i një tarrace të gjelbërt në një shkollë publike është i pari i këtij lloji dhe sipas zyrtarëve të Bashkisë, synohet të realizohet edhe në shkolla të tjera publike.

“Arkitektura nuk është thjesht të ndërtosh, por është të krijosh një stil të ri jete. Ndaj jam e lumtur që falë mbështetjes së “BE për Bashkitë”, projekti “Kopshtarët e Vegjël” mori jetë! Qëllimi për të larguar fëmijët nga bota virtuale është më afër se kurrë. Nëpërmjet serrës edukative dhe tarracës së gjelbëruar, fëmijët do të mësojnë nga natyra duke mbjellë dhe duke u kujdesur se, vetëm përkujdesja dhe koha i bën frytet të lulëzojnë”, thotë Kristina Kozari, arkitekte pranë Bashkisë Tiranë. Projekti “Kopshtarët e vegjël” pati si objektiv përmirësimin e cilësisë së jetesës nëpërmjet shtimit të hapësirve të gjelbëra, afrimin e të rinjëve dhe qytetarëve më pranë natyrës nëpërmjet transformimit të gjelbërt të ndërtesave që menaxhohen nga Bashkia Tiranë. Projekti dha besimin se brezat e rinj po bëhen më të ndërgjegjshëm për shëndetin, më të informuar rreth aspekteve sociale dhe miqësorë me mjedisin.