Bashkia Përmet ka vendosur si një ndër prioritetet e saj mbështetjen ndaj të rinjëve, si burim i pashterrshëm energjie. Projekti “Përmirësimi i aksesit në shërbime publike për fuqizimin e të rinjve në Përmet”, ka qëllim kontributin në mbështetje të mirëqenies së të rinjve me anë të përmirësimit të infrastrukturës publike dhe duke rritur cilësinë dhe akseksin në shërbime.

Me rikonstruksionin e Qendrës Rinore “Ollga Shuraja”, 326 të rinj në Bashkinë e Përmetit janë përfitues të shërbimeve të saj. Rikonstruksioni i Qendrës Rinore u realizua nga Bashkia e Përmetit me mbështetjen financiare të Bashkimit Evropian përmes skemës së granteve “BE për Bashkitë”. Buxheti i përgjithshëm kushtuar realizimit të projektit është 180.000.00 euro, nga të cilat 162.000.00 euro është kontributi i Bashkimit Evropian. Falë rikonstruksionit të godinës u krijuan hapësira të reja publike të dedikuara për të rinjtë, si dhe shërbime më të mira për të mbështetur kreativitetin, talentin dhe fuqizimin ekonomik të të rinjve në këtë Bashki.

Për kryetaren e Bashkisë Përmet Alma Hoxha, falë mbështetjes së projektit “BE për Bashkitë” u arrit jo vetëm të përmirësohet infrastruktura për të rinjtë, por edhe aksesi në shërbime të reja.

“I rëndësishëm nuk është vetëm rikonstruksioni i godinës por rijetëzimi i saj. Tashmë kjo qendër është funksionale dhe drejtohet nga vetë të rinjtë e Përmetit, gjithmonë dhe më tepër në numër, gjithmonë dhe më tepër me ide inovatore”, theksoi Kryetarja e Bashkisë së Përmetit Alma Hoxha.

Sot Qendra Rinore “Ollga Shuraja” orfron 7 shërbime publike në funksion të rinisë.

Megi Ibrahimi, kryetare e Këshillit Rinor në Përmet shprehet së përjeton kënaqësi të madhe kur shikon që tashmë Qendra Rinore ka çelur dyert e saj për të gjithë të rinjtë e Përmetit.

“Vendi ku mpleksen ide e këndvështrime, ku mund të shpaloset çdo aftësi, ku koha e lirë e pasditeve mbushet me aktivitetet më të këndshme. Jam shumë e lumtur dhe mirënjohëse që m’u dha mundësia të isha pjesë e këtij procesi”, thotë Megi Ibrahimi.

Projekti konsistoi jo vetëm në rikonstruksionin e Qendrës Rinore “Ollga Shuraja”, por edhe në trajnimin dhe mbështetjen e stafit të qendrës rinore, organizimin e aktiviteteve informuese, argëtuese, ndërgjegjësuese dhe edukuese për të rinjtë. Po ashtu, u mundësua funksionimi i Zyrës së Këshillimit të Karrierës.

Denisa Mamillo, Projekt Menaxhere në Bashkinë Përmet, thekson se ndërtimi i një qëndre rinore dhe përmirësimi i cilësisë së shërbimeve për të rinjtë ka qënë një kërkesë e vazhdueshme e të rinjve përmetarë.

“Me projektin e përfituar në thirrjen e parë të “BE për Bashkitë” kjo kërkesë u plotësua. Falenderojmë stafin e “BE për Bashkitë” për mbështetjen gjatë implementimit të projektit, pasi një projekt i zbatuar mirë është një projekt i suskseshëm dhe ndihmë për hartimin dhe implementimin e projekteve të tjera të BE-së”, thekson Denisa Mamillo.

Falë projektit u ngritën 5 startup-e rinore të mbështetura nga ekspërtë nëpërmjet këshillimit ligjor, menaxherial dhe financiar. Ndërkohë që 5 pjesëtarë të stafit të Bashkisë u aftësuan për çështjet rinore. Gjithshtu, u zhvilluan aktivitete mbi çështje të lidhura ngushtësisht me Bashkimin Evropian, me pjesëmarrjen aktive të të rinjve.

Investimi tek rinia është një nga strategjitë më të rëndësishme për zhvillimin afatgjatë të një vendi. Rinia përfaqëson energjinë, kreativitetin dhe potencialin për ndryshim dhe përparim. Për të maksimizuar këtë potencial, është thelbësore të investohet në arsim, shëndetësi, mundësi punësimi dhe përfshirje sociale për të rinjtë.

Bashkia Fushë-Arrëz, me ndihmën financiare të Bashkimit Evropian, ka zbatuar projektin “Njësia për Vlerësimin e Nevojave dhe Referimin e Çështjeve (NECRU) – shërbim për komunitetin”. Ky projekt kishte për qëllim krijimin e një ambienti të përshtatshëm ku mund të ofrohen shërbime sociale për të gjithë qytetarët, veçanërisht për grupet e margjinalizuara.

Një nga arritjet më të rëndësishme të këtij projekti ka qenë rikonstruktimi i një godine për ngritjen e Qendrës Multifunksionale. Kjo qendër është konceptuar si një hapësirë e cila do të shërbejë për ofrimin e një sërë shërbimesh sociale dhe aktivitete për komunitetin lokal.

Për realizimin e projektit NECRU, Bashkia Fushë-Arrëz kishte në dispozicion një buxhet të përgjithshëm prej 55,270 euro, nga të cilat 49,250 euro, kontribut i Bashkimit Evropian. Ky financim ka mundësuar rikonstruksionin e godinës dhe krijimin e kushteve të nevojshme për funksionimin e Qendrës Multifunksionale.

Projekti NECRU përbën një hap të madh përpara në përmirësimin e kushteve socio-ekonomike dhe ofrimin e shërbimeve sociale në Bashkinë Fushë-Arrëz.

Ky projekt jo vetëm që adreson nevojat e grupimeve të margjinalizuara, por gjithashtu kontribuon në përmirësimin e cilësisë së jetës për të gjithë banorët e kësaj zone malore.

“Ngritja e Qendrës Multifunksonale i ka dhënë jetë ngritjes së gjashtë shërbimeve sociale të munguara në Bashkinë Fushë-Arrëz, për të gjithë shtresat sociale në nevojë. Bashkia Fushë-Arrëz ka prioritet absolut shtresat sociale të margjinalizuara nëpërmjet programeve që nxisin gjithëpërfshirjen e tyre në shoqëri dhe ofrimin e shërbimeve nëpërmjet aktiviteteve sociale – kultorore. Falenderojmë Bashkimin Evropian për mbështetjen dhe Ekipin e ‘BE për Bashkitë’”, shprehet Kryetar i Bashkisë së Fushë-Arrëzit Hil Curri.

Projekti “Njësia për Vlerësimin e Nevojave dhe Referimin e Çështjeve (NECRU)” ia arriti qëllimit të tij kryesor për ofrimin e shërbimeve të përmirësuara bashkiake për të gjitha shtresat sociale në nevojë, përfshirë fëmijët, të rinjtë, gratë dhe vajzat, personat me aftësi të kufizuara dhe moshën e tretë. Projekti ka arritur të ofrojë shërbime për rreth 60 persona nga grupet e margjinalizuara, duke përfshirë: 30 persona me aftësi të kufizuara, 10 persona me të ardhura të ulëta ekonomike dhe 20 persona me nevoja të veçanta. Një komponent kyç i projektit ishte trajnimi dhe aftësimi i pesë personave nga Sektori i Kujdesit Social dhe nga një person prej secilës Njësi Administrative. Një punonjës social u punësua gjithashtu në Bashkinë Fushë-Arrëz për të ofruar mbështetje të drejtpërdrejtë për këto grupe. U organizuan gjithashtu aktivitete të komunikimit dhe vizibilitetit për të rritur ndërgjegjësimin dhe njohjen e shërbimeve të reja të ofruara. Gjatë Forumit të Qeverisjes Vendore të mbajtur më 13 Tetor 2023 në Tiranë, kreu i Bashkisë Fushë-Arrëz, Curri, tregoi mbi nevojën për zbatimin e më shumë projekteve të tilla të mbështetura nga Bashkimi Evropian. Ai theksoi rëndësinë e rritjes dhe fuqizimit të kapaciteteve për të shkruar dhe zbatuar projekte, duke theksuar se të gjitha bashkive të Shqipërisë u nevojitet kjo asistencë për të përmirësuar shërbimet për qytetarët e tyre.

Ndërsa nevoja për projekte të ngjashme vazhdon, mbështetja nga Bashkimi Evropian dhe fuqizimi i kapaciteteve vendore do të jenë thelbësore për të ardhmen e zhvillimit social në Shqipëri.

Programi “BE për Bashkitë” , i mbështetur financiarisht nga Bashkimi Evropian, ndikoi drejtpërdrejtë në 19 bashki përmes ndërhyrjeve në infrastrukturë, përmirësimeve të shërbimeve dhe nismave për ngritjen e kapaciteteve në nivel lokal. Me anë të një mbështetje financiare të konsiderueshme prej 1.7 milionë euro, u rindërtuan 24 ndërtesa publike, u krijuan ose përmirësuan 68 shërbimeve publike me përfitues mbi 49,332 qytetarë, përfshirë 32,993 të rinj.

Në Konferencën përmbyllëse ishin të pranishëm personalitete, si: Ambasadori i BE-së në Shqipëri, Silvio Gonzato; Ministri i Shtetit për Pushtetin Vendor, Arbjan Mazniku; Drejtori Ekzekutiv i NALAS-it, Kelmend Zajazi; Drejtoresha Ekzekutive e Shoqatës për Autonomi Lokale, Adelina Farrici; dhe kryetari i Bashkisë Shkodër Benet Beci.

Pikat kryesore nga Konferenca

Ambasadori Silvio Gonzato theksoi rolin thelbësor të qeverisjes vendore në procesin e integrimit në BE, duke u shprehur:

“Roli i pushtetit vendor në procesin e integrimit në BE është jashtëzakonisht i rëndësishëm. Përafërsisht 70% e zbatimit të të gjithë legjislacionit dhe standardeve të BE-së ndodh në nivel lokal. Kështu, autoritetet vendore bëhen kujdestarë të standardeve të BE-së në nivel lokal. Për ta bërë këtë me sukses, ata duhet të rrisin kapacitetin e tyre për të absorbuar fondet e BE-së, për të forcuar bashkëpunimin ndërbashkiak dhe rajonal dhe për t’u angazhuar me shoqërinë civile, sipërmarrësit, grupet e të rinjve dhe komunitetet lokale. Kjo është arsyeja pse BE-ja ka mbështetur 19 bashki me grante investimi në vlerë prej 1.7 milionë euro, në përputhje me nevojat e qytetarëve vendas. Rezultatet kanë qenë transformuese, duke rritur kapacitetet e stafit bashkiak dhe duke ofruar infrastrukturë dhe shërbime të përmirësuara në arsim, përfshirje sociale, kulturë, mbrojtjen e mjedisit, fuqizimin e të rinjve dhe zhvillimin ekonomik vendor.”

Duke falenderuar NALAS-in për partneritetin dhe zbatimin e suksesshëm, ambasadori Gonzato njoftoi gjithashtu mbështetjen e vazhdueshme të BE-së për qeveritë vendore me një buxhet të rritur ndjeshëm prej 10 milionë € për fazën tjetër të programit “BE për Bashkitë”, që do të fillojë në vitin 2025, duke ofruar grante shtesë për përfitimin e bashkive dhe qytetarëve.

Ministri Arbjan Mazniku shprehu mirënjohjen për mbështetjen e vazhdueshme të BE-së:

““BE për Bashkitë” ka qenë një ushtrim shumë i rëndësishëm, jo vetëm për pjesën e mbështetjen teknike siç janë trajnimet shumë të nevojshme dhe të dobishme, pra ushtrimi i kapaciteteve të Bashkive në lidhje me projektet e BE-së. Por, programi është shumë i rëndësishëm, pasi kjo është hera e parë që janë dhënë grante të drejtpërdrejta për të financuar ndryshime ndërsektoriale për Bashkitë”.

Kelmend Zajazi, Drejtor Ekzekutiv i NALAS, theksoi ndikimin e projektit tek qytetarët:

“Ne kemi demonstruar dhe ofruar qytetarëve standardet lokale të ofrimit të shërbimeve publike. Duke e bërë këtë, ne po mbajmë gjallë shpresën për brezin e ri se anëtarësimi në BE është vetëm një hap larg.”

Adelina Farrici , Drejtoreshë Ekzekutive e Shoqatës për Autonomi Lokale, reflektoi mbi rëndësinë e granteve direkte:

“Ne si shoqatë vazhdimisht kemi avokuar tek donatorët që komunat të kenë ndikim të drejtpërdrejtë dhe të aplikojnë drejtpërdrejtë për fonde. Jo vetëm ngritja e kapaciteteve, por edhe disponueshmëria e granteve. “BE për Bashkitë” ishte modeli i parë që përfundoi me sukses.”

Duke parë Përpara

Konferenca përmbyllëse e “BE për  Bashkitë” jo vetëm që festoi arritjet e tre viteve të fundit, por gjithashtu vendosi terrenin për sukseset e ardhshme. Me premtimin për një buxhet të zgjeruar dhe më shumë mundësi grantesh, programi synon të vazhdojë të nxisë zhvillimin e qëndrueshëm dhe të përmirësojë cilësinë e jetës për të gjithë qytetarët në Shqipëri.

Konferenca përmbyllëse ishte një dëshmi e përpjekjeve kolektive të BE-së, NALAS-it dhe qeverive vendore në Shqipëri.

Angazhimi për të përmirësuar qeverisjen vendore dhe ofrimin e shërbimeve ka vendosur një themel të fortë për fazën e ardhshme të “BE për Bashkitë”, duke siguruar që ‘Evropa është këtu’ për të gjithë shqiptarët.

Projekti: “BE për Bashkitë” (EU for Municipalities)

Ref. Publikimi: EU4M – 35 (LOT 3)

Dega NALAS në Shqipëri, në emër të projektit “BE për Bashkitë”, synon të akordojë një kontratë për “blerje pajisjes dhe mobiljesh për bashkitë partnere të Projektit EU4M”, me asistencë financiare të Bashkimit Evropian.

Afati i fundit për dorëzimin e aplikimit është data 25/07/2024 ora 14:00 me postë ose dorazi në adresën: Dega NALAS në Shqipëri, Rr. “Donika Kastrioti”, Ndërtesa Tekno-Project , Kati 14, Apt. 3/1, Tirana, Albania.

Procedura e thjeshtuar e tenderit dhe informacione të tjera për tenderin jepen më poshtë:

• Procedura e thjeshtuar e tenderit
• Oferta financiare
• Formulari i identifikimit të ofertuesit
• Formulari i Identifikimit Financiar

Manuali është përgatitur nga ekspertë të Projektit “Bashkitë për në Evropë” duke u mbështetur në përvojën e Projektit “BE për Bashkitë”. Manuali përmban informacione për grantet e BE-së, përgatitjen e koncept notës, formatin e plotë të propozimit, bazuar në qasjen e PCM/Kornizës Logjike, si dhe përgatitjen e buxhetit hap pas hapi shoqëruar me shembuj. Ai përmban këshilla të vlefshme të përvojës së fituar nga bashkitë përfituese të fondeve të BE-se, dhe reflekton mbi temat e diskutuara gjatë trajnimeve specifike për shkrimin e një projekti të suksesshëm, në kuadër të Fondeve të BE-së, të targetuara në pesë vitet e fundit, nga projekti ‘Bashkitë për në Evropë’ si dhe projekti ‘BE për Bashkitë’.

Manualin mund ta shkarkoni duke klikuar këtu.

Për më shumë shkarkoni/lexoni katalogun këtu (në anglisht).

Për më shumë lexoni manualin këtu.

Kliko këtu për të shkarkuar/lexuar studimin.

Për më shumë informacione për këto projekte shfletoni katalogun këtu.

Projekti “Ndërtimi i Tregu Artizanal Tradicional Rom”, u zbatua nga Bashkia Gjirokastër në bashkëpunim të ngushtë me Institutin e Kulturës Rome në Shqipëri (IRCA) dhe shihet si një hap i rëndësishëm që pritet do të sjellë ndryshime pozitive për banorët e Gjirokastrës.

Tregu Artizanal Tradicional Rom në lagjen “Zinxhira” u financua nga i Bashkimi Evropian përmes programit “BE për Bashkitë”. Buxheti total kushtuar këtij projekti ka vlerën e 220.824.00 eurove, nga të cilat 198.742.00 euro është kontributi i Bashkimit Evropian.

Tregu Artizanal Tradicional Rom nuk është vetëm një hap përpara në mbështetjen e artizanëce Rom që tani kanë një hapësirë ku të shfaqin dhe shesin produktet e tyre artizanale, por është gjithashtu një mundësi për të gjithë qytetarët e Gjirokastrës dhe turistët që të njihen më nga afër me kulturën dhe traditën Rome. Ndërtimi i një tregu të tillë i vjen në ndihmë rritjes së punësimit, duke ofruar vende pune për shumë banorë lokalë, por e bën qytetin akoma më atraktiv për turistët e huaj dhe të apasionuarit e kulturave dhe artizanatit.

Kryetari i Bashkisë Gjirokastër Flamur Golemi e vlerësoi projektin që në nisje të tij, si një  kontribut në integrimin e komunitetit Rom.

“Ky projekt është një tjetër investim i rëndësishëm që kontribuon jashtëzakonisht shumë në integrimin e mëtejshëm të komunitetit Rom. Tregu i ri do të jetë edhe një hapësirë ndërveprimi e shkëmbimi jo vetëm brenda komunitetit, por edhe me pjesën tjetër të shoqërisë”, u shpreh kryebashkiaku i Gjirokastrës Flamur Golemi.

Në një kohë kur ekonomia lokale ka nevojë për stimulim dhe diversifikim, ndërtimi i tregut Rom në Gjirokastër ofron një zgjidhje inovative dhe të qëndrueshme për qytetarët. Kjo është një mundësi e shkëlqyer për të investuar në potencialin e komunitetit Rom dhe për të promovuar ndërveprimin dhe bashkëpunimin ndërkulturor.

Gjatë realizimit të punimeve transformuese nga Bashkia Gjirokastër, Tregu Artizanal Tradicional Rom u vizitua edhe nga Ambasadori i Bashkimit Evropian Silvio Gonzato.

Në zbatimin e projektit, Instituti i Kulturës Rome në Shqipëri (IRCA) ka organizuar trajnime me zejtarët dhe artizanët e minoritetit Rom me banim në Gjirokastër me fokus rritjen e njohurive në marketing dhe teknikave efektive për të shtuar shitjet e punimeve artizanale.

Tregu ka një sipërfaqe totale prej 2000 metra² dhe përfshin një ndërtesë me strukturë lite, një treg të hapur, si dhe hapërsirë të madhe. Gjithashtu falë projektit u realizua mobilimi dhe shërbime të tjera plotësisht funksionale për artizanët vendas Rom.

Në këto hapërira ndodhet edhe Qendra komunitare, e cila sot është e pajisur dhe e mobiluar në shërbim të aktiviteteve edukative dhe argëtuese.

Projekti mundësoi në total 4 trajnime për biznes, marketing dhe aktivitete të tjera për ngritjen e kapaciteteve, të ofruara për zejtarë vendas. Ndërkohë që u trajnuan 8 persona të stafit bashkiak të aftë në menaxhimin e aktiviteteve edukative dhe rekreative të komunitetit.

Të gjithë kanë lindur të barabartë dhe meritojnë mundësi për një jetë dinjitoze. Ky parim është themeli i të drejtave të njeriut dhe përbën bazën e një shoqërie të drejtë dhe të barabartë. Respektimi i dinjitetit njerëzor dhe sigurimi i mundësive të barabarta për të gjithë, pavarësisht nga gjinia, raca, besimi, apo gjendja ekonomike, është thelbësor për ndërtimin e një bote më të mirë. Çdo individ duhet të ketë qasje në arsim, shëndetësi, punësim dhe një jetë pa diskriminim apo padrejtësi. Vetëm kështu mund të krijojmë një shoqëri ku çdo njeri ka mundësinë të arrijë potencialin e tij të plotë dhe të jetojë me dinjitet.

EU4Municipalities (BE për Bashkitë) është një projekt i financuar nga Bashkimi Evropian. Ai zbatohet nga një konsorcium i drejtuar nga NALAS, Rrjeti i Shoqatave të Autoriteteve Lokale të Evropës Juglindore, (mbështetur institucionalisht nga Agjencia Zvicerane për Zhvillim dhe Bashkëpunim), në partneritet me Shoqatën e Autonomisë Vendore të Shqipërisë, EcoPartners for Sustainable Development dhe Co-PLAN, Instituti për Zhvillimin e Habitatit.