Projekti: “BE për Bashkitë” (EU for Municipalities)

Ref. Publikimi: EU4M – 35 (LOT 3)

Dega NALAS në Shqipëri, në emër të projektit “BE për Bashkitë”, synon të akordojë një kontratë për “blerje pajisjes dhe mobiljesh për bashkitë partnere të Projektit EU4M”, me asistencë financiare të Bashkimit Evropian.

Afati i fundit për dorëzimin e aplikimit është data 25/07/2024 ora 14:00 me postë ose dorazi në adresën: Dega NALAS në Shqipëri, Rr. “Donika Kastrioti”, Ndërtesa Tekno-Project , Kati 14, Apt. 3/1, Tirana, Albania.

Procedura e thjeshtuar e tenderit dhe informacione të tjera për tenderin jepen më poshtë:

• Procedura e thjeshtuar e tenderit
• Oferta financiare
• Formulari i identifikimit të ofertuesit
• Formulari i Identifikimit Financiar

Manuali është përgatitur nga ekspertë të Projektit “Bashkitë për në Evropë” duke u mbështetur në përvojën e Projektit “BE për Bashkitë”. Manuali përmban informacione për grantet e BE-së, përgatitjen e koncept notës, formatin e plotë të propozimit, bazuar në qasjen e PCM/Kornizës Logjike, si dhe përgatitjen e buxhetit hap pas hapi shoqëruar me shembuj. Ai përmban këshilla të vlefshme të përvojës së fituar nga bashkitë përfituese të fondeve të BE-se, dhe reflekton mbi temat e diskutuara gjatë trajnimeve specifike për shkrimin e një projekti të suksesshëm, në kuadër të Fondeve të BE-së, të targetuara në pesë vitet e fundit, nga projekti ‘Bashkitë për në Evropë’ si dhe projekti ‘BE për Bashkitë’.

Manualin mund ta shkarkoni duke klikuar këtu.

Për më shumë shkarkoni/lexoni katalogun këtu (në anglisht).

Projekti: “BE për Bashkitë” (EU for Municipalities)

Ref. Publikimi: EU4M – 35

Dega NALAS në Shqipëri, në emër të projektit “BE për Bashkitë”, synon të akordojë një kontratë për “blerje pajisjes dhe mobiljesh për bashkitë partnere të Projektit EU4M”, me asistencë financiare të Bashkimit Evropian.

Afati i fundit për dorëzimin e aplikimit është data 05/07/2024 ora 14:00 me postë ose dorazi në adresën: Dega NALAS në Shqipëri, Rr. “Donika Kastrioti”, Ndërtesa Tekno-Project , Kati 14, Apt. 3/1, Tirana, Albania.

Procedura e thjeshtuar e tenderit dhe informacione të tjera për tenderin jepen më poshtë.

• Procedura e thjeshtuar e tenderit
• Oferta financiare
• Formulari i identifikimit të ofertuesit
• Formulari i Identifikimit Financiar

Projekti: “BE për Bashkitë” (EU for Municipalities)

Ref e publikimint: EU4M – 34

Dega NALAS në Shqipëri, në emër të projektit “BE për Bashkitë”, synon të akordojë një kontratë për “Ekspert për financimin e BE-së, buxhetimin e bashkisë dhe procedurat e prokurimit”, me asistencë financiare të Bashkimit Evropian.

Procedura e thjeshtuar e tenderit dhe informacione të tjera për tenderin jepen në www.eu4municipalities.al.

Afati i fundit për dorëzimin e aplikimit është data 24.06.2024, ora16:00 bme postë ose dorazi në adresën: Dega NALAS në Shqipëri, Rr. “Donika Kastrioti”, Ndërtesa Tekno-Project , Kati 14, Apt. 3/1, Tirana, Albania.

Procedura e thjeshtuar e tenderit dhe informacione të tjera për tenderin jepen më poshtë.

• Termat e Referencës
• Procedura e thjeshtuar e tenderit
• Oferta financiare
• Formulari i identifikimit të ofertuesit
• Formulari i Identifikimit Financiar

Titulli i projektit: “BEpërBashkitë”

Titulli i kontratës: Prodhimi i një videoje promocionale për finalizimin e projektit “BE për Bashkitë”.

Autoriteti Kontraktor: NALAS, Rrjeti i Shoqatave të Autoriteteve Vendore të Evropës Juglindore, Dega Shqipëri

Buxheti maksimal: 8.000,00 euro (pa TVSH)

Afati për dorëzimin e ofertës: 03.06.2024, ora 14:00

Projekti “BE për bashkitë” kërkon të kontraktojë shërbimet e një kompanie produksioni mediatik për të prodhuar një video të shkurtër promocionale me kohëzgjatje prej 6 minutash, për të evdentuar punën dhe ndikimin e 19 projekteve të financuara nga Projekti “BE për Bashkitë” në komunitetet vendore në lidhje me përmirësimin e infrastrukturës, shërbimeve vendore dhe jetës së qytetarëve.

Dokumentet e procedurës së tenderit dhe informacione të tkera rreth tenderit jepen më poshtë:

• Termat e Referencës
• Procedura e thjeshtuar e tenderit
• Oferta financiare
• Formulari i identifikimit të ofertuesit
• Formulari i Identifikimit Financiar

Projekti “ICTe-Mat – Inovacioni dhe Kultura për të fuqizuar Matin” parashikoi gjithashtu krijimin dhe ngritjen e një qendre për rininë, kushtuar teknologjisë dhe inovacionit. Prej ditës së inaugurimit, kurset në Robotikë, Design dhe Kodim janë tejmbushur me të rinj dhe fëmijë të etur për të mësuar dhe të apasionuar pas teknologjisë.

Dea është gjimnaziste në vitin e dytë të shkollës “28 Nëntori”. Ajo i ndjek të treja modulet që zhvillohen në qendër. 

“Quhem Dea Basha dhe trajnimet në Qendrën e Inovacionit ICTe-Mat kanë ndikuar thellësisht në zhvillimin tim personal. Trajnimet në 3D Dizajn, Kodim në Scratch dhe Robotikë më kanë ndihmuar të zhvilloj aftësi të reja dhe kreativitet në teknologji. Gjithashtu, kjo platformë më ka dhënë mundësinë të bashkëpunoj dhe të ndërtoj projekte inovative në një mjedis frymëzues”, thotë 17-vjeçarja me pasion teknologjinë.

Për realizimin e të gjithë projektit të Bashkisë së Matit shërbyen në total 238.000.00 Euro, nga të cilat financimi i Bashkimit Evropian është 199.920.00 Euro. Buxheti u vu në dispozicion për rikonstruksionin e Pallatit të Kulturës, krijimin dhe mobilimin e Qendrës TIK, aktivitete trajnuese rreth aftësive të TIK-ut, workshope me tematika kushtuar rinisë dhe procesit të integrimit evropian, por edhe trajnimin e punësimin dy personave si punonjës bashkiakë. Po ashtu, edhe stafi i i Bashkisë në Burrel përfitoi trajnime përgjatë zbatimit të projektit.

Drejtori i Drejtorisë së Shërbimeve Publike, njëkohësisht koordinator i projektit për Bashkinë e Matit, Elson Reçi tregon me detaje sesi “BE për Bashkitë” ka mbështetur dhe kontribuar për ngritjen e kapaciteteve në nivel lokal.

“Përveç investimeve në ambiente të rikonstruktuara, si qendra e inovacionit, galeria e arteve, dhe salla e baletit, projekti “BE për Bashkitë” ka ofruar një gamë të gjerë shërbimesh për të përmirësuar infrastrukturën dhe kapacitetet e institucioneve lokale. Kjo përfshin trajnime për stafin e bashkisë, që janë të rëndësishme për zhvillimin e tyre profesional dhe personal, e kështu për zhvillimin institutional të Bashkisë.

Trajnime të tilla përfshijnë përmirësimin e aftësive komunikuese, menaxhimin e kohës, punën në ekip dhe bashkëpunimin, si dhe trajnime për zhvillimin e aftësive të ndërveprimit ndërkulturor. Projekti “BE për Bashkitë” ka kontribuar në përparimin e kapaciteteve dhe për menaxhimin e projekteve në nivelin lokal nëpërmjet ofrimit të asistencës teknike dhe trajnimeve në disa fusha të rëndësishme”, tregon Reçi.

Urojmë që ndërtesa e modernizuar e Pallatit të Kulturës dhe ngritja e Qendrës së Teknologjisë dhe Inovacionit të shërbejnë në përmirësimin e kushteve shoqërore dhe ekonomike, duke mundësuar një cilësi më të mirë jetese për komunitetin e Bashkisë së Matit.

Ambasadori i Bashkimit Evropian në Shqipëri, Silvio Gonzato e vizitoi nga afër tregun dhe u informua rreth punimeve transformuese, që po kryen nga Bashkia e Gjirokastrës.

Vizita u realizua në kuadër “Javës së Evropës 2024”, ku EU4Municipalities u bë pjesë e aktiviteteve të organizuara nga Bashkimi Evropian. Ndërtimi i tregut është një kontribut i dobishëm shoqëror për komunitetin që jeton në lagjen “Zinxhira” të qytetit të gurtë dhe mundësohet falë financimit të Bashkimit Evropian, në kuadër të skemës së granteve “BE për Bashkitë”.

Përfaqësuesja e Delegacionit të Bashkimit Evropian, Marie Augouy, Menaxhere Programi për Qeverisjen Rajonale dhe Lokale, përshëndeti pjesëmarrësit në aktivitetin e organizuar, duke vënë theksin në tek rëndësia që ka përgatitja e bashkive për të thithur fondet e BE-së, në kuadër të anëtarësimit të ardhshëm të Shqipërisë.  “Bashkimi Evropian mbështet dhe do të vazhdojë të mbështesë bashkitë shqiptare përmes investimeve në infrastrukturë, por edhe përmes ngritjes së kapaciteteve, ku burimet njerëzore janë një zinxhir i rëndësishëm”, u shpreh Augouy.

Kryetari i Bashkisë së Pukës, Rrok Dodaj foli mbi rëndësinë e trajnimit të stafit bashkiak, ndërsa kërkoi mbështetjen në vijimësi nga Bashkimi Evropian me anë të investimeve, sidomos në kuadër të synimit për ta kthyer Pukën në një destinacion të mirëfilltë turistik.

Duke iu referuar investimit të BE-së prej rreth 200 mijë euro në Bashkinë e Pukës, Adelina Farrici, Drejtore Ekzekutive e Shoqatës për Autonomi Vendore tha se “vizioni i Bashkisë Pukë, vizioni në lidership, vizioni si i administratës paraardhëse dhe ai i administratës aktuale, është që të investohet tek rinia për të ardhmen e vendit. Dhe, i gjithë ky investim me donator BE-në është bërë falë këtij vizioni,” – u shpreh Farrici.

Elton Stafa, Drejtor i skemës së granteve “BEpërBashkitë” theksoi rëndësinë e ngritjes dhe forcimit të kapaciteteve në nivel vendor, pavarësisht sfidave. Ndërsa duke iu drejtuar të rinjve pukjanë u shpreh se vlerësimi më i madh për programin “BEpërBashkitë” është kur shikon nga afër sesa të dobishme janë këto investime për të rinjtë dhe komunitetin në përgjithësi.

Projekti “Bashkia për të rinjtë” synon rritjen e aftësive të të rinjve në sipërmarrje, sporte dhe komunikim.

Ceremonia e përurimit të rikonstruksionit të ndërtesës së Pallatit të Kulturës, organizuar nga Bashkia Mat dhe zhvilluar më datën 14 shkurt 2024, bëri bashkë Ambasadorin e Delegacionit të Bashkimit Evropian në Shqipëri, z. Silvio Gonzato, kryetarin e Bashkisë Mat, z. Agron Malaj dhe drejtues të skemës së granteve “BE për Bashkitë”.

Projekti i rikonstruksionit bëri të mundur përmirësimin e infrastrukturës së ndërtesës dhe modernizimin e objekteve të saj. Nëpërmjet këtij investimi, bashkë me rikonstruksionin e plotë të Pallatit të Kulturës, u krijua edhe një qendër për teknologjinë e informacionit për të gjithë të rinjtë e talentuar të Matit. Pallatit i modernizuar i Kulturës “Shefqet Doda” i jep Bashkisë së Matit dhe zonave përreth një hapësirë ku mund të zhvillohen dhe pasurohen vlerat kulturore dhe të traditës së zonës.

Ambasadori Gonzato vlerësoi investimin e kryer, duke u shprehur se ndihej i lumtur dhe krenar për kontributin që Bashkimi Evropian ka dhënë për Burrelin dhe bashkitë përreth, me rikonstruksionin e një vendi që sjell së bashku të gjithë komunitetin, e sidomos të rinjtë. Ai theksoi rëndësinë që ka ruajtja e trashëgimisë kulturore dhe promovimi i aktiviteteve kulturore, e njëkohësisht investimi në formimin e të rinjve mbi teknologjitë e reja. Ambasadori Gonzato vlerësoi seriozitetin në zbatimin e këtij projekti të rëndësishëm për komunitetin. “Kemi kënaqësinë të shikojmë rezultatet që kanë dalë nga zbatimi i këtij projekti. Dëshiroj të falënderoj NALAS (Rrjeti i Shoqatave të Autoriteteve Vendore të Evropës Juglindore), sepse është vërtetë e rrallë të gjesh një shoqatë bashkish të aftë për të zbatuar projekte, ku proporcionalisht kuptohen nevojat e bashkive dhe njëkohësisht realizohen prioritetet e tyre,” deklaroi Ambasadori i BE-së.

Kryetari i Bashkisë së Matit, z. Agron Malaj, e konsideroi me rëndësi këtë investim në kuadër të skemës së granteve “BE për Bashkitë”. Ai shprehu interesin dhe dëshirën për projekte të tjera që do t’i vijnë në ndihmë komunitetit. Ndërhyrja në godinën e Pallatit të Kulturës, sipas Z. Malaj, nuk ka rëndësi vetëm për rivitalizmin arkitektonik, por është një hap i rëndësishëm drejt përqafimit të së ardhmes së teknologjisë.

Drejtori i Projektit “BE për Bashkitë”, z. Elton Stafa, vuri theksin tek ndikimi që ky investim ka tek të rinjtë dhe zhvillimin e njohurive të tyre në një kohë ku teknologjia ka marrë vlera dhe rëndësi të jashtëzakonshme. “Të rinjtë janë forca lëvizëse e shoqërisë sonë dhe ofrimi i aksesit te burimet kulturore dhe të teknologjisë së fundit është një investim për të ardhmen e tyre”, tha z. Stafa.

Nëpërmjet Projektit të Bashkisë së Matit “Inovacion dhe kulturë për të fuqizuar Matin – Icte Mat” u bë i mundur rikonstruksioni e Pallatit të Kulturës duke e rigjallëruar atë me një rritje të konsiderueshme të kapacitetit për rreth 5000 qytetarë dhe me 4 shërbime të reja që lidhen me qendrën e TIK-ut, sallën e baletit, sallën e muzikës dhe sallën e galerisë së arteve. Ndërkohë, dy punonjës të bashkisë u trajnuan për të koordinuar këto shërbime të reja në të ardhmen. Padyshim që ndërtesa e modernizuar me pajisjet bashkëkohore do të kontribuojë në pasurimin e jetës kulturore në Bashkinë Mat dhe më gjerë.

Ky investim shumë i rëndësishëm i financuar nga Bashkimi Evropian jo vetëm që pasqyron angazhimin e BE-së për mbështetjen e zhvillimit shoqëror e kulturor, por prezanton edhe një qendër për teknologjinë e informacionit që sjell komunitetin e Matit në epokën dixhitale.

Në një kohë që Shqipëria ka hyrë në një periudhë të rëndësishme të procesit të integrimit evropian, projekti u përqendrua edhe në rritjen e njohurive mbi procesin eurointegrues, ku u angazhuan 10 punonjës të Bashkisë Mat, me përfshirjen edhe të një grupi të rinjsh, nëpërmjet 4 trajnimeve mbi standardet dhe vlerat e BE-së. Po ashtu 750 të rinj nga Mati morën pjesë në 11 aktivitete ndërgjegjësuese dhe 10 trajnime, duke nxitur përfshirjen e tyre shoqërore sipas standardeve dhe vlerave të BE-së.

Qëllimi kryesor i projektit është zgjerimi i potencialeve të Bashkisë Mat në përmirësimin e kushteve social-ekonomike për të mundësuar një jetesë më cilësore për komunitetin e duke përqafuar vlerat evropiane.

Për realizimin e këtij projekti u vu në dispozicion një grant prej 238,000 euro, nga fondet e BE-së. E gjithë kjo shumë shkoi për rikonstruksionin e Pallatit të Kulturës, krijimin dhe mobilimin e Qendrës TIK, aktivitete trajnuese rreth aftësive të TIK-ut, workshope me temë “Rinia në procesin e integrimit në BE në Mat”, si dhe për të ndarë përvojat e lëvizshmërisë për 20 të rinj nga Mati në Tiranë.